گیا میں نکسلیوں نے کمیونیٹی عمارت کو تباہ کردیا

نکسلیوں نے سابق رکن کونسل انُج سنگھ کے خلاف پرچہ بھی چھوڑا ہے ۔ ساتھ ہی گاﺅں والوں کو انج سنگھ سے کسی بھی طرح کا تعلق نہیں رکھنے کی تنبیہہ دی گئی ہے ۔

بہار میں نکسل متاثرہ گیا ضلع کے ڈمریا تھانہ علاقہ میں ممنوعہ نکسلی تنظیم سی پی آئی ماﺅنواز کے نکسلیوں نے دھماکہ کر کے کمیونیٹی بلڈنگ کو اڑا دیا ۔

سینئر پولیس سپرنٹنڈنٹ راجیو مشرا نے پیر کو یہاں واقعے کی تصدیق کرتے ہوئے بتایا کہ قریب 12 کی تعداد میں نکسلیوں نے اتوار کی دیر رات بودھی بگہا گاﺅں میں کمیونیٹی عمارت کو ڈائنا مائٹ لگا کر اڑاد یا ۔ نکسلیوں نے سابق رکن کونسل انُج سنگھ کے خلاف پرچہ بھی چھوڑا ہے ۔ ساتھ ہی گاﺅں والوں کو انج سنگھ سے کسی بھی طرح کا تعلق نہیں رکھنے کی تنبیہہ دی گئی ہے ۔

مشرا نے بتایا کہ واقعہ کی جانکاری کے بعد پولیس نے موقع پر پہنچ کر معاملے کی تفتیش شروع کر دی ہے ۔ نکسلیوں کی تلاش میں سرچ آپریشن جاری ہے ۔
واضح رہے کہ ڈمریا بودھی بگہا گاﺅں میں انج سنگھ کی آبائی رہائش ہے۔ سال 2013 میں نکسلیوں نے انج سنگھ کے گھر پر حملہ کر کے کئی گاڑیوں مں آگ لگا دی تھی ۔ ساتھ ہی سولر پلیٹ اور دیگر سامان کو تباہ کر دیا تھا۔