کیمور: انسانی زنجیربنا کرحکومت کوآپسی یکجہتی کا ثبوت دیتی عوام

انسانی زنجیر میں لوگوں نے ایک دوسرے کا ہاتھ تھام کرسی اے اے، این آر سی اوراین پی آر کی مخالفت کی، ساتھ ہی بہار حکومت کو اپنی یکجہتی بھی دکھائی اوریہ باورکرانے کی کوشش کی کہ ریاست میں بے روزگاری سے عوام کس قدرپریشان ہے۔

ریاست بہار کے ضلع کیمور کی عوام نے ایک بار پھر انسانی زنجیر بنا کر آپسی یکجہتی کا انکھا ثبو ت دیا۔

اطلاع کے مطابق اس بار یہ زنجیر نشہ سے پاک اور جل جیون ہریالی کے لیے نہیں بلکہ سی اے اے اور این آر سی کے خلاف تھی۔

اس انسانی زنجیر میں لوگوں نے ایک دوسرے کا ہاتھ تھام کر سی اے اے، این آر سی اور این پی آر کی مخالفت کی، ساتھ ہی بہار حکومت کو اپنی یکجہتی بھی دکھائی اور یہ باور کرانے کی کوشش کی کہ ریاست میں بے روزگاری سے عوام کس قدر پریشان ہے۔

انسانی زنجیر میں بائیں بازو کی جماعتوں کے ساتھ ریاست کی حزب اختلاف سیاسی جماعتوں سمیت 34 مختلف ملی و دیگر جماعتوں نے انسانی زنجیر کا اہتمام کیا تھا۔

اس انسانی زنجیر نے یہ ثابت کر دیا ہے کہ عوام کسی سیاسی جماعت یا رہنما کا محتاج نہیں ہے۔ بڑے پیمانے پر لوگ سڑکوں پر نکلے اور ہاتھ سے ہاتھ جوڑ کر اپنا احتجاج درج کرایا۔

گاؤں دیہات شہر اور قصبہ ہر جگہ لاکھوں کی تعداد میں لوگ ہاتھ سے ہاتھ جوڑ کر اپنے اتحاد کا مظاہرہ کر رہے تھے۔

ساتھ ہی حکومت کو یہ احساس دلانے کی کوشش کی کہ ہم کسی بھی نا انصافی اور ظلم کے خلاف خاموش نہیں رہیں گے بلکہ پوری قوت سے اس قانون کا مقابلہ کریں گے۔

بھبھوا کے ایکتا چوک عوام کے ساتھ باٸیں محاذ و حزب مخالف پارٹی کے لوگوں اس زنجیر کو کو تاریخی بتایا۔