ہندوستانی عوام مورچہ نے 'یکساں اسکولی' نظام کا وعدہ کیا

عظیم اتحاد میں شامل ہندوستانی عوام مورچہ کے قومی صدر اور بہار کے سابق وزیراعلیٰ جیتن رام مانجھی نے پارٹی کا انتخابی منشور جاری کیا۔

انہوں نے اعلان کیا کہ آئندہ حکومت قائم ہونے پر ان کی پارٹی یکساں اسکولی نظام قائم کرے گی تاکہ امیر اور غریب کو یکساں تعلیم دی جا سکے۔

انہوں نے کہا کہ صحافیوں کے ساتھ بڑی ناانصافی ہوتی ہے، دور دراز کے علاقے میں کام کرنے والے صحافی کم اجرت پر کام کرتے ہیں۔ اگر عظیم اتحاد کی حکومت قائم ہوئی تو صحافیوں کے لیے پانچ ہزار روپیہ ماہانہ پینشن کی سہولت فراہم کی جائے گی۔

انہوں نے کہا کہ بھارت کی تقریباً 95 فیصد آبادی پسماندہ، انتہائی پسماندہ اور غریب مسلمانوں پر مشتمل ہے۔ اس لیے اس سمت میں ٹھوس اقدامات کیے جائیں گے۔