ارریہ کانگریس ضلع کے صدر انیل کمار سنہا نے کہا کہ آج ہمیں فخر محسوس ہو رہا ہے کہ بھارت کے پہلے صدر جمہوریہ ڈاکٹر راجندر پرساد اسی بہار کے مٹی کے لعل ہیں، جنہیں اول صدر جمہوریہ ہونے کا اعزاز حاصل ہے۔ انہوں نے اپنے اقتدار میں بھارت کو ایک الگ شناخت دی۔
صدر جمہوریہ سے سبکدوش ہونے کے بعد پوری زندگی انہوں نے کانگریس پارٹی کے لیے وقف کر دی۔ ان کی انکساری عاجزی آج بھی ہم لوگوں کے لئے قابل تقلید ہے. جو راہ انہوں نے دکھائی تھی آج اسی پر ہم لوگ چلنے کی کوشش کر رہے ہیں۔
وارڈ کاؤنسلر محمد ٹیپو نے کہا کہ ڈاکٹر راجندر پرساد کی شخصیت دیگر سیاسی شخصیات سے بالکل منفرد رہی ہے۔ انہوں نے اپنی پوری زندگی غریبوں کے لیے وقف کر دی تھی، پڑھنے کے زمانے میں نہ صرف وہ ذہین تھے بلکہ ہر امتحان میں وہ اول رہے۔ ملک کے لیے ان کے ذریعہ کی گئی خدمات ناقابل فراموش ہے۔ آنے والی نسلیں انہیں اپنا آئیڈیل بنا کر آگے کی زندگی بہتر بنا سکتے ہیں۔ اس موقع پر پارٹی کے دیگر کارکنوں نے بھی ڈاکٹر راجندر پرساد کو خراج تحسین پیش کی۔
