وزیر اعلیٰ نتیش کمار کے ساتھ این ڈی اے کے 14 وزراء نے بھی حلف لیا ہے۔ اب بہار میں پروٹیم اسپیکر نامزد کیا جانا ہے۔ 23 نومبر کو بہار کی نئی اسمبلی کا پہلا اجلاس ہوگا۔ نتیش کمار آج کابینہ کا پہلا اجلاس کریں گے۔
بہار کے انتخابات میں کامیابی کے بعد نتیش کمار نے پیر کو ریاست کے وزیر اعلیٰ کی حیثیت سے حلف لیا۔ آج نتیش کمار صبح 11 بجے کابینہ کا پہلا اجلاس کریں گے۔ اس دوران این ڈی اے کے 14 وزراء نے بھی حلف لیا ہے۔ اب بہار میں پروٹیم اسپیکر نامزد کیا جانا ہے۔ 23 نومبر کو بہار کی نئی اسمبلی کا پہلا اجلاس ہوگا۔
اس دوران پہلا پروٹیم اسپیکر نامزد ہوگا، جو نئے ایم ایل اے کو حلف دلوائے گا۔ اس کے بعد بہار اسمبلی کے اسپیکر کا انتخاب ہوگا۔ اسمبلی اسپیکر کے انتخاب کا فیصلہ بہت اہم ہے۔ اس کے پیچھے کی وجہ یہ ہے کہ این ڈی اے کے پاس کل 125 ایم ایل اے ہیں جو حکومت سازی کے اعدادوشمار سے صرف تین زیادہ ہیں۔ ایسی صورتحال میں ریاست میں حکومت کے استحکام کے لئے بی جے پی اس عہدے کو کسی خاص رہنما کے حوالے کرنا چاہتی ہے، تاکہ اس کام کو بخوبی انجام دیا جا سکے اور مضبوط حزب اختلاف کو کوئی موقع فراہم نہ ہو۔
ذرائع کے مطابق بی جے پی کی قیادت نندکشور یادو کو اسمبلی کا اسپیکر بنا سکتی ہے۔ نندیشکور یادو نے مسلسل ساتویں بار پٹنہ صاحب اسمبلی حلقہ سے کامیابی حاصل کی ہے۔ نندکشور یادو بہار بی جے پی کے بڑے رہنما کے طور پر جانے جاتے ہیں۔ نتیش کمار حکومت میں نندیشکور یادو سڑک تعمیر کےوزیر بھی تھے۔ اس کے علاوہ وہ دوسرے مخلتف محکمہ کی ذمہ داری بھی نبھا چکے ہیں۔
حلف برداری کے بعد وزیر اعلیٰ نتیش کمار نے میڈیا کو بتایا کہ انہیں دوبارہ ذمہ داری مل گئی ہے، وہ ادا کریں گے۔ اس دوران سشیل کمار مودی نے میڈیا کے سوالوں کا جواب نہیں دیا۔ نتیش کمار نے کہا کہ سشیل مودی کو نائب وزیر اعلیٰ نہ بنائے جانے کا فیصلہ بی جے پی کا ہے، یہ سوال بی جے پی سے کیا جانا چاہئے۔
