آگ لگنے سے علاقے میں افراتفری کا ماحول ہے، مقامی لوگوں کے خبر پر جب تک دمکل گاڑی جائے وقوع پر پہنچتی اور آگ پر قابو پایا جاتا تب تک تینوں گھروں کے اندر رکھے قیتمی لکڑی کے سامان و دیگر چیزیں بھی جل کر ختم ہو گئیں۔
مقامی لوگوں کے مطابق ساڑھے آٹھ بجے کے قریب اچانک سے ایک گھر میں آگ لگنے کی خبر پھیلی۔ آگ اس قدر تیز تھی کہ آگ کے اٹھتے شعلے نے فوراً دوسرے گھروں کو بھی اپنی زد میں لے لیا۔
مقامی لوگوں نے فوری طور پر پانی ڈالنے کی کوشش کی مگر وہ ناکام ثابت ہوئے۔ پھر اس کی اطلاع جوکی ہاٹ تھانہ کے ایس ایچ او شیام نندن یادو کو دی گئی۔ ان کی ہدایت پر جب تک دمکل گاڑی گاؤں میں آتی تب تک تینوں گھر جل کر خاک ہو چکے تھے۔ حالانکہ آگ لگنے سے کسی طرح کا جانی نقصان نہیں ہوا ہے۔
آگ کی زد میں جن کا گھر آیا ان کا نام محمد عارف، شفیق الرحمان اور مطیع الرحمن ہے۔ آگ لگنے سے پورا علاقہ دہشت میں ہے حالانکہ اب تک آگ لگنے کی صحیح جانکاری کا پتہ نہیں چل پایا ہے۔ مقامی لوگوں نے اس حادثے کی اطلاع جوکی ہاٹ کے سی او کو بھی دی ہے۔