نگرپریشد کی ٹیم نے سبزی منڈی کوتجاوزات سے کیا آزاداد

ریاست بہار کے ضلع کیمور کے مولانا ابوالکلام آزاد روڈ پر واقع سبزی منڈی روڈ کے دونوں طرف سبزی فروشوں کے زریعہ کیے تجاوزات سے آزاد کرایا گیا۔

ریاست بہارکے کیمور ضلع کے بھبھوا شہر میں مولانا ابوالکلام آزاد روڈ پر و اقع سبزی منڈی روڈ کو آج بھبھوا ایس ڈی او جنم جئے شکلہ کی قیادت میں نگر پریشد کی ٹیم نے تجاوزات سے آزاد کرایا۔

نگر پریشد کی یہ کاروائی قریب دوپہر کے دو بجے ہوئی۔ اس درمیان بدکرداروں نے نگر پریشد کی اس کاروائی کی مخالفت کی۔ پھر نگر پریشد نے پورے علاقہ کو تجاوزات سے آزاد کرا دیا۔ جیسے ہی نگر پریشد کی ٹیم پولس کے ساتھ سبزی منڈی روڈ میں اتری تبھی شاہراہ کی دونوں جانب قبضہ کیے سبزی فروشوں کے علاوہ ٹھیلہ خومچوں والوں میں ہڑکمپ مچ گیا۔

ٹھیلہ والے سبزیوں کو لیکر ادھر ادھر محفوظ کرنے کے لیے بھاگنے لگے۔ نگر پریشد نے اپنی کاروائی میں سبزیوں سمیت ٹھیلہ کو ضبط کیا۔ وہیں مکان مالکوں کے زریعہ بھی نگر پریشد کی کاروائی کی مخالفت کی۔

مکان مالکوں کے زریعہ بھی مکان کے آگے چبوترا بنا کر سبزی فروشوں کو ماہانہ رقم پر دینے پر متنبہ کیا گيا اور چبوتراہ کو بھی تجاوزات سے آزاد کیا گیا۔

نگر پیشد کی اس کاروائی کی لوگوں نے مخالفت بھی کی۔ پتھر بازی بھی کی گئی۔ دوسری جانب مخالفت کرنے والوں میں پانچ لوگوں کی گرفتاری بھی کی گئی۔

اس سے متعلق ایس ڈی او جنم جئے شکلا نے بتایا کی سبزی منڈی شاہراہ کے آگے گرلس ہائی اسکول بھی ہے۔ اسی شاہراہ سے اسکولی بچیوں کو کافی پریشانی کا سامنا کرنا پڑتا تھا۔ بدکرداروں کے زریعہ لڑکیوں پر پھبتی کسنے اور چھیڑ خوانی کے معاملہ سامنے آ رہے تھے ساتھ ہی شاہراہ کو قبضہ کر پتلا کر دیا گیا تھا۔ لوگوں کو آنے جانے میں دشواری پیش آتی تھی جس کے مد نظر کاروائی کی گئی۔