ضلع کلکٹر نے گاڑی پاس اور شناختی کارڈ جاری کرنے کا حکم دیا

پورے ملک میں کورونا وائرس سے بچاؤ کے لئے نافذ کیے گئے لاک ڈاؤن میں عوام کو اب کچھ راحت ملتی دکھ رہی ہے. ارریہ کے ضلع کلکٹر پرشانت کمار کے ذریعہ گاڑی پاس و آمد و رفت کرنے والوں کا شناختی کارڈ جاری کرنے کا حکم دیا ہے.

اس حکم میں ضلع کے 28 محکموں اور اداروں کی نشاندہی کی گئی ہے. جس میں مختلف سرکاری دفاتر، ادارے، تنظیمیں، سبزی منڈی سے متعلق آمد و رفت کرنے والی گاڑیاں اور ملازمین، رفاہی کام کرنے والے افراد، طبی کاموں میں لگے ملازم وغیرہ شامل ہیں۔

ارریہ کے ضلع کلکٹر پرشانت کمار

الگ الگ محکموں کے پاس جاری کرنے کی ذمہ داری مختلف افسران کو سونپی گئی ہے اور یہ تاکید کی گئی ہے کہ جاری پاس میں نمبر درج ضرور کریں۔ پاس جاری کرنے کی اطلاع متعلقہ افسران روزانہ ضلع کے نوڈل افسر اور اے ڈی ایم کو بھیجیں۔ ساتھ ہی پاس میں اس کی بھی وضاحت کریں کہ کس کام کے لیے پاس جاری کیا گیا ہے۔ وہیں پاس کا جو لوگ غلط استعمال کرتے ہوئے پکڑے جائیں ان پر سخت کارروائی بھی کرے. ضلع میں سبھی سرکاری ملازم کو چھوڑ کر دیگر لوگوں کو پاس لینا ہوگا۔

ضلع کلکٹر کے اس حکم کی کاپی متعلقہ تمام اعلیٰ افسران کو ای میل، واٹس ایپ کے ذریعے بھیجا جائے گا. ساتھ ہی اس کاپی کو ارریہ ضلع کے سرکاری ویب سائٹ پر بھی اپلوڈ کرنے کی ہدایت دی گئی ہے جبکہ اس کی ایک ایک کاپی ایس پی ارریہ و آئی جی پورنیہ کو بھی روانہ کر دیا گیا ہے.