پولیس کو تحقیقات کے دوران پیر کے روز کامیابی ملی ہے اور اس نے بچے کے قتل میں ملوث تین افراد کو گرفتار کر لیا۔
دربھنگہ: گیارہ سال کے بچے کا قتل، تین گرفتار دربھنگہ کے سینیئر ایس پی بابو رام نے کہا کہ '25 جون 2020 کو شام کے پانچ بجے آشیش سہنی اپنے گھر سے نکلا جو واپس اپنے گھر نہیں لوٹا۔ اہل خانہ نے کافی تلاش کیا لیکن وہ نہیں ملا۔ اگلے دن آشیش کی لاش بانس کے باغیچے میں ملی جس کی گردن میں گمچھا لپٹا ہوا تھا۔'
انہوں نے بتایا کہ 'پولیس نے موقع واردات پر پہنچ کر چھان بین شروع کی اور ڈاگ اسکواڈ بلایا گیا جس دوران ڈاگ موقع واردات سے سیدھے گرفتار مجرم میں سے ایک راجا رام کے گھر چلا گیا۔ اس کے بعد پولیس نے اور باریکی سے جانچ پڑتال کرتے ہوئے اس قتل کا انکشاف کر دیا۔
انہوں نے بتایا کہ 'بچے کے قتل کے الزام میں راجا رام،رنجیت کمار رام اور بیدھناتھ رام کو گرفتار کیا گیا ہے اور پولیس کے سامنے ان تینوں ملزمین نے اپنے جرم کا اعتراف کیا ہے۔'
