'تیجسوی اور راہل گاندھی سے استعفی کا مطالبہ'

نو منتخب وزیر تعلیم میوا لال کے استعفی کے بعد ہندوستانی عوام مورچہ کے ریاستی ترجمان دانش رضوان نے کہا کہ کیا وہ لوگ جو آج استعفی کا مطالبہ کر رہے ہیں وہ تیجسوی اور راہل گاندھی سے استعفی کا مطالبہ کریں گے۔

ریاست کے نو منتخب وزیر تعلیم میوالال پر بدعنوانی کے الزامات کی وجہ سے وزیر اعلٰی نتیش کمار نے ان سے استفعی لے لیا ہے۔

ہندوستانی عوام مورچہ کے ترجمان دانش رضوان نے کہا کہ ریاست میں بدعنوانی کے لیے کوئی جگہ نہیں ہے۔ وزیر اعلٰی نتیش کمار بدعنوانی سے کبھی بھی سمجھوتہ نہیں کریں گے۔ اسی لیے انہوں نے وزیر تعلیم میوالال سے استعفی لے لیا ہے۔

دانش رضوان نے کہا کہ' آج جو آر جے ڈی اور کانگریس کے رہنما استعفی کا مطالبہ کررہے ہیں کیا وہ تیجسوی یادو اور راہل گاندھی سے استعفی کا مطالبہ کریں گے، ان پر بھی بدعنوانی کے الزامات ہیں یہ لوگ کب استعفی دیں گے۔ تیجسوی یادو پر نوکری کے نام زمین لکھوانے کا الزام ہے۔