بہار کے لیے مفت ویکسن، بی جے پی کے خلاف الیکشن کمیشن میں شکایت

بہار اسبملی انتخابات 2020 کے لیے بی جے پی نے اپنا انتخابی منشور جاری کردیا ہے۔ منشور میں بے جے پی نے ریاست کے سبھی افراد کو ویکسین مفت دینے کا وعدہ کیا ہے۔ اب یہ وعدہ تنازع بنتا جارہا ہے۔ اس کے خلاف سماجی کارکن ساکت گوکھلے نے الیکشن کمیشن کو شکایت کی ہے۔

پٹنہ: بہار انتخابات کے لیے بی جے پی کی جانب جاری کردہ منشور میں، بی جے پی نے ریاست کے تمام افراد کو کورونا ویکسین مفت دینے کا وعدہ کیا ہے۔ آر جے ڈی سمیت متعدد اپوزیشن جماعتوں نے بی جے پی کے اس وعدے پر تنقید کی ہے۔ اب سماجی کارکن ساکت گوکھلے نے اس کے خلاف الیکشن کمیشن کو شکایت کی ہے۔

وزیر خزانہ نرملا سیتارامن نے بی جے پی کا منشور جاری کیا۔ یہ واضح طور پر کہا گیا ہے کہ بہار میں کورونا ویکسین ہر ایک کو مفت دی جائے گی۔ لیکن اب یہ وعدہ متنازع ہوگیا ہے اور معاملہ الیکشن کمیشن تک پہنچا ہے۔

سماجی کارکن ساکت گوکھلے نے الیکشن کمیشن میں شکایت درج کروائی ہے کہ بی جے پی کے ویکسین فراہم کرنے کا دعوی انتخابات کے دوران مرکزی حکومت کے اختیارات کا غلط استعمال ہے۔ انہوں نے کہا ہے کہ یہ بی جے پی کے کسی رہنما کا نہیں بلکہ ملک کے وزیر خزانہ کے ذریعہ اعلان ہے۔'

ساکت گوکھلے کا کہنا ہے کہ مرکزی حکومت نے ابھی تک کورونا ویکسین کے بارے کس طرح کی پالیسی کا ذکر نہیں کیا ہے۔ ایسی صورتحال میں یہ فیصلہ نہیں کیا جاسکتا کہ کورونا ویکسین دینے کا پیمانہ کیا ہوگا۔ گوکھلے کا کہنا ہے تمام ریاستوں کو کورونا کا سامنا ہے اور بہار کی طرح ہر ریاست کے لوگ بھی اس سے متاثر ہیں۔ ایسی صورتحال میں الیکشن کمیشن کو فوری کارروائی کرنی چاہیے۔

خیال رہے کہ بہار اسمبلی انتخابات 2020 کی تاریخوں کا اعلان ہوچکا ہے۔ تین مرحلے میں انتخابات ہوں گے، پہلے مرحلے میں 71 سیٹوں پر 28 اکتوبر کو ووٹنگ ہوگی، جبکہ دوسرے مرحلے میں 91 سیٹوں کے لیے 3 نومبر کو ووٹنگ ہوگی اور تیسرے مرحلے میں 78 سیٹوں کے لیے 7 نومبر کو ووٹنگ ہوگی ہے اور 10 نومبر کو نتائج کا اعلان ہوگا۔