چراغ پاسوان نے مودی کا شکریہ ادا کیا

لوک جن شکتی پارٹی (ایل جے پی) کے صدر چراغ پاسوان نے بہار اسمبلی انتخابات کے لئے جمعہ کی ریلی میں وزیراعظم نریندر مودی کا اپنے والد رام ولاس پاسوان کو خراج عقیدت پیش کرنے کے لئے شکریہ ادا کیا۔

مسٹر مودی نے آج بہار اسمبلی انتخابات کے لئے سہسرام میں منعقد اپنی ریلی میں مسٹر رام ولاس پاسوان اور مسٹر رگھوونش پرساد سنگھ کو یاد کیا۔
ایل جے پی بہار اسمبلی انتخابات میں قومی جمہوری اتحاد (این ڈی اے) سے الگ انتخابی میدان میں ہیں۔

چراغ پاسوان کا ٹویٹ

جموئی سے رکن پارلیمنٹ چراغ پاسوان نے وزیراعظم کا شکریہ ادا کرتے ہوئے ٹوئٹ کیا کہ ’’عزت مآب نریندر مودی جی بہار آتے ہیں اور پاپا کو ایک سچے ساتھی کے جیسے خراج عقیدت پیش کرتے ہیں۔ یہ کہنا کہ پاپا کی آخری سانس تک وہ ساتھ تھے مجھے جذباتی کردیا۔ ایک بیٹے طور پر فطری بات ہے کہ پاپا کے تئیں وزیر اعظم جی کا یہ پیار وعزت دیکھ کر اچھا لگا۔ وزیراعظم جی کا شکریہ۔