چراغ پاسوان آج سے سیمانچل کے دورہ پر

لوک جن شکتی پارٹی میں گروپ بندی کے بعد سے سابق مرکزی وزیر آنجہانی رام ولاس پاسوان کے لڑکے چراغ پاسوان ریاست میں لوگوں کے درمیان پہنچ رہے ہیں۔

لوجپا چراغ پاسوان گروپ کے صدر چراغ پاسوان جمعہ سے آشیرواد یاترا کے دوسرے مرحلے کی شروعات کریں گے۔ لوک جن شکتی پارٹی میں پھوٹ کے بعد سے چراغ پاسوان "آشیرواد یاترا" کے ذریعے بہار کے عوام کی حمایت حاصل کرنے کی پوری کوشش کررہے ہیں۔

آشیرواد یاترا کا پہلا مرحلہ 12 جولائی تک تھا۔ لیکن سفر کے دوران چراغ پاسوان ہفتہ کو اچانک دہلی لوٹ گئے تھے۔ اب ان کا آشیرواد یاترا مرحلہ 2 جمعہ یعنی آج سے شروع ہوکر 18 جولائی کو ختم ہوگا۔ اب تک پٹنہ سمیت 5 اضلاع کٹیہار، ارریہ اور پورنیہ میں لوگوں کے بیچ پہنچ کر ان کی حمایت حاصل کریں گے۔

معلوم ہوکہ لوک جن شکتی پارٹی میں گروپ بندی ہونے کے بعد لوک سبھا اسپیکر نے چراغ کے چچا پشوپتی کمار پارس کو لوک سبھا میں پارٹی کے رہنما کے طور پر منظوری دے دی تھی۔ ان کے اس فیصلے کو چراغ پاسوان کی طرف سے دہلی ہائی کورٹ میں چیلنج کیا گیا تھا۔ گزشتہ جمعہ کو ہائی کورٹ نے ان کی درخواست پر سنوائی کرنے سے انکار کردیا۔