بہار میں کورونا وبا کا الرٹ، وزیراعلیٰ کا احتیاط برتنے کا مشورہ

ملک کی ریاستوں میں کورونا کے بڑھتے معاملوں کے پیش نظر محکمہ داخلہ بہار نے گائیڈ لائن جاری کیا ہے۔ ریاستی حکومت نے بھی محکمہ صحت اور انتظامیہ کو مختلف ہدایات جاری کی ہیں۔

بہار میں کورونا کا ریکوری ریٹ سب سے زیادہ ہے۔ وزیراعلیٰ نتیش کمار نے اسمبلی میں کہا کہ 'ریاست میں کرونا کی ٹیکہ کاری مہم زور و شور سے جاری ہے۔

ملک کی دوسری ریاستوں کے مقابلے یہاں کورونا وبا سے صحتیاب ہونے والوں کی تعداد زیادہ ہے۔ انہوں نے کہا کہ' لوگوں کو احتیاط برتنا چاہیے، ڈرنےکی کوئی بات نہیں ہے۔'

محکمہ داخلہ کے ایڈیشنل چیف سکریٹری عامر سبحانی نے تمام اضلاع میں انتظامیہ کو گائیڈ لائن پر عمل کرنے کی ہدایت جاری کی ہے، ساتھ ہی محکمہ صحت نے بھی ہدایت جاری کیا ہے۔