وزیراعلی نتیش کمار کی کیمور آمد

کیمور۔جل جیون ہریالی منصوبہ پروگرام کے تحت ریاست کے وزیراعلی نتیش کمار کیمور پہنچے اور ساتھ ہی ضلع میں چلائی جا رہی سات نشچئے اسکیم کا باریکی سے معاٸنہ کیا۔

اس کے بعد وزیر اعلی نے منڈیشوری سے عوام کو خطاب کیا۔ انہوں نے کہا کہ زندگی کے لیے پانی اور پانی کے لیے ہریالی کافی اہم ہے۔یہ تمام لوگوں کے صحت کے لیے ضروری ہے۔ یہ منصوبہ ریاست میں آرہی قدرتی آفات کے مد نظر نافذ کیا گیا۔ وزیر اعلی نے جل جیون ہریالی منصوبہ کے تحت آزاد تالاب پر کی گٸ شجر کاری،اسکی خوبصرتی، جگہ جگہ بنائے گئے سوختہ وغیرہ اسکیم کا معائنہ کیا۔

اس موقع پر موجود ڈی ایم نے ہر ایک اسکیم کے بارے میں بتایا۔ وزیر اعلی اوسان گاٶں سے معاٸنہ کے بعد قریب تین کلو میٹر کی دوری پر موجود منڈیشوری مندر گئے۔ وزیر اعلی نتیش کمار نے ضلع انتظامیہ کی طرف سے بنائے گئے رنگ منچ سے خطاب کیا۔