گوپال گنج: شراب کے ساتھ اسمگلر گرفتار

ریاست بہار کے گوپال گنج ضلع میں پولیس نے کثیر مقدار میں دیسی شراب ضبط کرکے اسمگلر کو گرفتار کر لیا ہے۔

بہار میں گوپال گنج ضلع کے کچائے کوٹ تھانہ علاقہ سے ایکسائز محکمہ کی ٹیم نے جمعرات کو کثیر مقدار میں دیسی شراب کے ساتھ اسمگلر کو گرفتار کر لیا۔

ایکسائز سپرنٹنڈنٹ راکیش کمار نے بتایاکہ انہیں اطلاع ملی تھی کہ اسمگلر شراب کی کھیپ لیکر جا رہے ہیں، اسی بنیاد پر بلتھری چیک پوسٹ کے نزدیک ایک گاڑی کو روک کر تلاشی لی گئی۔ تلاشی کے دوران گاڑی سے 80 کارٹن دیسی شراب برآمد کی گئی۔ اس کے بعد گاڑی میں سوار اسمگلر منو کمار پٹیل کو گرفتار کر لیا گیا۔

کمار نے بتایاکہ منو کمار پٹیل ضلع کے اچکا تھانہ کے جیسر گاؤں کا رہنے والا ہے۔ وہ اتر پردیش کے پرسونی بازار میں واقع شراب کی بھٹی سے شراب لیکر گوپال گنج ضلع کے میر گنج بازار جا رہا تھا۔

پولیس اس سے تفتیش کر رہی ہے۔