بھبھوا کی ریلی سے خطاب کرتے ہوئے تیجسوی یادو نے وزیر اعلی نتیش کمار پر تنقید کرتے ہوئے کہاکہ' بہار بے روزگاری کا مرکز بن چکا ہے، یہاں بے روزگاری 46.6 فیصد ہے۔ یہاں کی تقریباً آدھی آبادی نقل مکانی کرنے پر مجبور ہے، لیکن بہار کے نائب وزیر اعلی کہتے ہیں کہ لوگوں کو نقل مکانی کرنے میں مزا آرہا ہے۔ انہوں نے اس بیان پر افسوس کا اظہار کیا اور کہاکہ اگر ان کی حکومت بنتی ہے پہلی کابینہ میں 10 لاکھ نوکریاں پر مہر لگے گا۔'
تیجسوی، پپویادو اور چندر شیکھر آزاد کی ریلی، کس نے کیا کہا
پپو یادون نے وزیر اعظم مودی پر تنقید کرتے ہوئے کہا کہ' نتیش کمار سے 15 برسوں کا حساب کیوں نہیں لیتے۔ انہوں نے عوام کو مخاطب کرتے ہوئے کہا یہ وہی مودی ہیں جنہوں نے تجارت کو ختم کیا لوگوں کے جیب پر حملہ کیا۔ انہوں نے وزیر اعلی پر تنقید کرتے ہوئے کہا کہ بہار کے وزیر اعلی نے ریاست میں عوام کے درمیان تفریق پیدا کرنے کا کام کیا۔