ریاست بہار میں پٹنہ ضلع کے 55 سمیت گزشتہ چوبیس گھنٹوں کے دوران 276 لوگوں کے کورونا مثبت پائے جانے سے ریاست میں کل متاثرین کی تعداد بڑھ کر 12140 ہوگئی ہے۔
صحت محکمہ نے پیر کو جاری جانچ رپورٹ کی بنیاد پر بتایا کہ پٹنہ ضلع میں کورونا انفیکشن کے سب سے زیادہ 55 معاملے پائے جانے کے بعد یہاں کل پازیٹیو افراد کی تعداد بڑھ کر 1058 ہوگئی ہے۔ اس کے بعد دربھنگہ ضلع میں 27 ، بھاگلپور میں 25 ، مشرقی چمپارن اور نالندہ میں 15-15 ، مغربی چمپارن میں 13 اور مونگیر میں گیارہ افراد انفیکشن کا شکار ہوئے ہیں۔
اسی طرح سپول میں10 ، کھگڑیا میں نو ، کٹیہار اور سیوان میں آٹھ ۔ آٹھ ، مدھوبنی او ر مظفر پور میں چھ ۔ چھ ، ارول ، بھوجپور اور سارن میں پانچ ۔ پانچ ، جموئی ، کشن گنج ، نوادہ اور سمستی پور میں چار۔ چار ، پورنیہ اور سہرسہ میں تین ۔تین ، بانکا اور شیوہر میں دو۔ دو اور سیتامڑھی میں ایک سمیت کل 276 لوگوں کے کووڈ ۔19 کی زد میں آنے سے ریاست میں پازیٹیو مریضوں کی تعداد بڑھ کر 12140 ہوگئی ہے۔