کرنٹ لگنے سے کسان کی موت

ریاست بہار کے ضلع کیمور علاقے میں واقع بھگوان پور بلاک کے پورا موضع میں ایک کسان جیمو میاں کی اس وقت موت ہوگئی جب کھیت میں وہ بجلی کا تارجوڑ رہاتھا۔

اطلاعات کے مطابق یہ حادثہ بھگوان پور بلاک کے رامگڑھ پنچایت کے موضع پورہ کے سیوان گاؤں کا ہے، بتایا جا رہا ہے کہ موضع پورہ کے باشندہ فیروزعالم ولد جیمو میاں عمر چالیس سال جو اپنے کھیت میں ٹوٹے تار کوجوڑنے کا کا م کر رہا تھا تبھی اچانک کرنٹ کی چپیٹ میں آگئے۔

اطلاعات کے مطابق اس کھیت میں چند دن پہلے آب پاشی کی گئی تھی جس کی وجہ سے کھیت میں کافی نمی بھی تھی، کسان فیروز عالم کو مقامی لوگوں کی مدد سے بھگوان پور علاج کے لے جایا گیا لیکن ڈاکٹروں نے انہیں مردہ قرار دے دیا ہے۔

فیروز کی موت سے اہل خانہ سمیت گاؤں بھر میں غم کا ماحول ہے۔