حکومت بہار نے کہا کہ ریاستی چینی نگم کی بند پڑی ملوں کو ٹنڈر عمل کے توسط سے پرائیوٹ۔ عوامی اور کو آپریٹیو کے شعبہ کے سرمایہ کاروں کو لیز پر منتقل کرتے ہوئے گنا پر مبنی صنعت یا دیگر صنعت کے طورپر بحال کرنے کا فیصلہ لیا ہے۔
کونسل میں صنعت کے وزیر شیام رجک نے کانگریس کے پریم چندرمشرا کے توجہ دلاﺅ نوٹس کاجواب دیتے ہوئے کہاکہ پانچ ٹنڈرعمل کے بعد بھی مدھوبنی ضلع میں بند پڑے لوہٹ چینی مل کو از سرنو بحال کرنے کیلئے کوئی بھی کامیاب سرمایہ کار نہیں مل سکا ہے۔
انہوں نے کہاکہ سرکاری چینی مل کو دیگر صنعت کے قیام کیلئے میسرس شری ترہت انڈسٹریز لمیٹیڈ کو لیز پر دیا گیا تھا لیکن سرمایہ کار کی جانب سے بروقت ٹنڈر کی شرائط کے مطابق بقیہ رقم نہیں جمع کرنے کی وجہ سے لیز کو رد کر دیا گیا ہے۔
مسٹر رجک نے کہاکہ فی الحال ترجیحات والے صنعتی شعبے کے قیام کیلئے بہار ریاستی چینی نگم کی بند پڑی لوہٹ مل کی زمین اور فارم لینڈ اور سکری کے فارم لینڈ کو بہار انڈسٹریل ایریا ڈیولپمنٹ اتھارٹی ( بی آئی اے ڈی اے )کو اس سال کے 11 فروری کو منتقل کر دیا گیا ہے ۔ میسرس ریگا شوکمپنی لمیٹیڈ ریگا سیتامڑھی کے ذریعہ پیرائی سیشن 2018-19 میں اس سال کے 15 فروری تک گنا کسانوں کی 43.62 فیصد گنا قیمت کی ادائیگی کر دی گئی ہے ۔