بہار انتخابات کے نتائج 2020: بہار اسمبلی انتخابات 2020 کے نتائج نے تمام سیاسی جماعتوں کو الجھن میں ڈال دیا ہے۔ شام پانچ بجے تک کے رجحانات کے مطابق اب تک سبھی پارٹیاں واضح اکثریت سے دور ہے گھنٹوں کی گنتی کے بعد اب تک کسی بھی اتحاد کی حکومت بنتی ہوئی نظر نہیں آرہی ہے۔
کیونکہ الیکشن کمیشن کے مطابق تقریباً 50 فیصد ووٹون کی گنتی باقی ہے۔ موجودہ صورتحال کے بارے میں بات کریں تو این ڈی اے اتحاد 122 کی اکثریتی تعداد سے آگے ہے۔ اس سے قبل عظیم اتحاد آگے چل رہا تھا۔
مزید پڑھیں:بہار قانون ساز کونسل میں مسلم نمائندگی کی مفصل تاریخ پر ایک نظر
شروعاتی رجحانات میں بہتر کارکردگی کا مظاہرہ کرنے والی پارٹی آر جے ڈی اب بھی پر امید ہے۔ آر جے ڈی نے اپنے آفیشل ٹوئٹر اکاؤنٹ سے کارکنان کو یقین دہانی کرائی ہےکہ بہار میں اس بار حکومت ان کی ہی بنے گی۔ آر جے ڈی نے اپنے آفیشل ٹوئٹر اکاؤنٹ میں لکھا کہ سبھی امیدوار اور کاؤنٹنگ ایجنٹ سے گنتی مکمل ہونے تک کانٹنگ ہال میں بنے رہنے کی اپیل کی ہے۔
اگر ہم شام 5:30 منٹ کے اعداد و شمار پر نظر ڈالیں تو این ڈی اے 121 سیٹوں پر آگے ہے جبکہ عظیم اتحاد 113 سیٹوں پر آگے چل رہے ہیں۔