ریاست بہار کے ضلع کیمور کے بھبھوا میں صحافی طارق انور پر حملہ کر ساٸبر کیفے میں توڑ پھوڑ کرنے والے شرپسندوں کی 48 گھنٹہ بعد بھی گرفتاری نہیں ہونے سے صحافیوں میں خوف کی لہر ہے۔
شرپسند کھلے عام شہر میں گھوم کر گٹ بندی کر رہے ہیں۔ جبکہ ایس پی نے بھبھوا ایس ایچ او کو فوری کاروائی کرنے اور گرفتاری کا حکم دیا تھا۔
اطلاع کے مطابق صحافی طارق انور بھبھوا واقع اسٹیڈیم گیٹ کے سامنے اپنے ساٸبر کیفے پر تھے تبھی کچھ شرپسند ساٸبر کیفے پر آئے اور ڈوکومینٹس کو زیروکس کرانے کو کہا۔
زیروکس کے بعد شرپسند صحافی سے الجھ پڑے تبھی شر پسندوں نے فون کے ذریعے درجن بھر حمایتیوں کو بلا لیا۔شر پسندوں نے آتے ہی ساٸبر کیفے میں توڑ پھوڑ کرنا شروع کر دیا کمپیوٹر سمیت کاغزات کو نقصان پونچایا۔
صحافی کے منع کرنے پر شرپسندوں نے صحافی کے ساتھ مارپیٹ کی اور بدتمیزی کی۔اس کے ساتھ ہی کیفے کو نزر آتش کرنے کی بھی دھمکی دے کر بے خوف آرام سے نکلے۔
مزید پڑھیں: بجٹ 2020 سمجھ سے عاری
اسکے بعد بھبھوا تھانہ میں دو شرپسندوں کے خلاف نامزد ایف آئی آر درج کراٸ گئی ہے۔ اسکی اطلاع صحافیوں نے ایس پی کیمور کو دی، ایس پی نے تھانہ افسر بھبھوا کو فوری کاروائی کرنے کا حکم صادر کیا تھا۔لیکن 48 گھنٹہ بیت جانے کے باوجود اب تک شرپسندوں کی گرفتاری نہیں ہو سکی ہے۔
