سڑک حادثے میں تین ہلاک

بہار کے دربھنگہ کے برول گنڈول سڑک پر سونپور چوک کے قریب ایک پِک اپ وین تیل ٹینکر سے ٹکرا گئی جس کے نتیجے میں 3 افراد ہلاک ہو گئے۔

حادثے کی اطلاع ملنے کے بعد دربھنگہ میڈیکل کالج اسپتال میں زخمیوں کو دیکھنے دربھنگہ کے ڈی ایم، ایس ایس پی اور شہر کے رکن اسمبلی سنجے شراوگی اسپتال پہنچے، دربھنگہ کے کلکٹر تیاگ راجن، ایس ایم اور شہر کے ایم ایل اے سنجے شراوگی نے حادثے کی تصدیق کرتے ہوئے کہا کہ اس حادثے کے شکار سبھی افراد دربھنگہ کے صدر تھانہ حلقہ کے کبیر چوک کے رہنے والے ہیں۔ تمام افراد پیر کے روز ایک وین بک کر کے پوجا کرنے کے لیے مشہور کوشیشور استھان مندر گئے تھے۔ جہاں سے وہ واپسی میں برول گنڈول سڑک سے آرہے تھے کہ سونپور چوک کے قریب ایک تیل ٹینکر سے ان لوگوں کی پِک اپ وین ٹکڑا گئی-
دربھنگہ میڈیکل کالج اسپتال پہنچے ایم ایل اے اور کلکٹر نے کہا کہ سبھی زخمیوں کو مفت طبی خدمات فراہم کی جائے گی اور جو تین افراد ہلاک ہوگئے ہیں ان کے اہل خانہ کو ضلع انتظامیہ کی جانب سے فی کس 4 لاکھ 23 ہزار روپے کی امداد دی جائے گی- اس حادثے میں شدید طور پر زخمی افراد کو بہتر طبی سہولیات کے لیے پٹنہ بھیجا گیا۔