مزدوروں کی خصوصی ٹرین سیتا مڑھی اسٹیشن پہنچی، 1075 مزدور واپس آئے

مزدوروں کی خصوصی ٹرین مزدوروں کو لیکر سیتا مڑھی پہنچی۔ مزدوروں کی اسکریننگ سٹیشن پر کی جارہی ہے۔ ان کے سامان کو بھی سینیٹائز کیا گیا۔ تمام مزدور گجرات سے واپس آئے ہیں۔

بدھ کی صبح 1075 مزدوروں سے بھری ایک اسپیشل ٹرین سیتامڑھی اسٹیشن پہنچی۔ ضلع کے اعلی عہدیداروں نے واپس آئے تمام مزدوروں کا خیرمقدم کیا۔ محکمہ صحت کی ٹیم تمام مزدوروں کی اسکریننگ میں مصروف ہے۔ اس کے بعد سب کو ناشتہ دیا جائے گا۔

1075 مزدور واپس آئے

گجرات سے واپس آنے والے تمام مزدور سیتا مڑھی ، شیوہر اور مشرقی چمپارن اضلاع کے رہائشی ہیں۔ سب کو بسوں کے ذریعہ قرنطینہ سینٹر بھیجا جائے گا۔ اس کے لئے اسٹیشن پر 50 بسوں کا انتظام کیا گیا ہے۔ تمام ہدایات پر سختی سے اسٹیشن پر عمل کیا جا رہا ہے۔ ڈی ایم ابھیلاشا کماری شرما اور ایس پی انل کمار خود تمام چیزوں پر نگاہ رکھے ہوئے ہیں۔