فرقہ وارانہ ہم آہنگی کے لیے 'ستسنگ'

ریاست بہار کے ضلع کشن گنج کے کوچادھامن میں ہندو مسلم اتحاد کو قائم رکھنے کے لیے یک روزہ ' ستسنگ' کا اہتمام کیا گیا۔

اس ستسنگ میں ملک کے باشندگان کو مذہب اور ذات برادری کے اختلافات سے اوپر اٹھ کر رہنے کی نصیحت کی گئی۔

ای ٹی وی بھارتسے گفتگو کے دوران پنڈت شری شری ہری موہن داس نے کہا ' سب کا مذہب ایک ہے، اور وہ ایک ہی ہے۔ فرق اتنا ہے کہ کوئی انہیں اللہ کے نام سے جانتا ہے تو کوئی ایشوراور کوئی جیسس کے نام سے پکارتا ہے'۔

سہرسہ کے پنڈت موہن داس نے ان لوگوں کے تعلق سے افسوس کا اظہار کیا جو ہندو مسلم فسادات کرا کر سیاسی روٹی سینکنے کا کام کرتے ہیں۔ اس کے علاوہ انہوں نے دیگر مسائل پر کھل کر اپنی رائے رکھی۔ دیکھئے یہ متعلقہ ویڈیو۔