پٹنہ میں طالبہ کے ساتھ جنسی زیادتی

بہار کے دار الحکومت پٹنہ کے شری کرشنا پوری تھانہ علاقہ میں ایک طالبہ کے ساتھ جنسی زیادتی کا معامہ سامنے آیا ہے ۔

پولیس ذرائع نے آج یہاں بتایاکہ 19 سالہ طالبہ کل رات اسی تھانہ علاقہ کے بورنگ روڈ چوراہا واقع ایک مال میں کچھ کام سے آئی ہوئی تھی ۔ اس دوران ایک کار پر سوار چار لوگوں نے اسے اغوا کرلیا اور اپنے ساتھ لے گئے ۔ اغوا کرنے والوں میں سے ایک نے اس کے ساتھ عصمت دری کی ہے ۔

ذرائع نے بتایاکہ اس سلسلے میں متاثرہ طالبہ نے آج خاتون تھانے میں ایف آئی آر درج کرائی ہے ۔ معاملے کی تفتیش کی جارہی ہے ۔