سہرسہ میں سینچائی کررہے کسان کا گولی مارکر قتل

بہار میں سہرسہ ضلع کے پترگھٹ پولیس آوٹ پوسٹ علاقہ میں سینچائی کررہے کسان کے گولی مارکر قتل پر مشتعل لوگوں نے احتجاج سڑک جام کر رکھی ہے۔

پولیس ذرائع نے یہاں بتایا کہ پاما گاوں کے باسندہ مرتیونجے سنگھ کل رات گھر سے کچھ دور اپنے کھیت میں بورنگ سے سینچائی کررہے تھے کہ اسی دوران کچھ جرائم پیشہ افراد نے انہیں گولی مارکر قتل کردیا۔ قتل کا سبب پرانی دشمنی بتائی جاتی ہے۔

اس درمیان واقعہ کا پتہ چلنے پر گاوں والے مشتعل ہوگئے اور لاش کے ساتھ صبح سے سڑک جام کردی ہے۔ گاو ں والے جائے واقعہ پر پولیس انتظامیہ کے سینئر افسران کو بلانے اور قاتلوں کی گرفتاری کی مانگ کررہے ہیں۔ گاوں والوں کے مظاہرہ کی وجہ سے سہرسہ۔مدھے پورا روڈ پر گاڑیوں کی قطاریں لگ گئی ہیں۔