کار سے 49 کارٹون انگریزی شراب برآمد

بہار کے ویشالی ضلع میں مہوا تھانہ علاقہ کے بتھنا گاﺅں میں ایک شخص کے مکان کے نزدیک کھڑی کار سے پولیس نے 49 کارٹون انگریزی شراب برآمد کی ہے ۔

پولیس ذرائع نے آج یہاں بتایاکہ اطلاع ملی تھی کہ بتھنا گاﺅں میں نولیش سنگھ کے مکان کے نزدیک کار سے شراب کی ہوم ڈلیوری کرنے کی تیاری کی جارہی ہے ۔

اس اطلاع کی بنیاد پر کل دیر رات کی گئی چھاپے ماری میں کار سے 49 کارٹون انگریزی شراب برآمد کی گئی ہے ۔

ذرائع نے بتایاکہ پولیس کے آنے کی بھنک لگتے ہی کاروباری نولیش سنگھ موقع سے فرار ہوگیا ۔ پولیس اس کی گرفتاری کیلئے سبھی ممکنہ ٹھکانوں پر چھاپے ماری کر رہی ہے ۔ برآمد شراب ہریانہ میں تیار کی گئی ہے۔ پولیس نے کار کو ضبط کرلیا ہے ۔