بی پی ایس سی کوچنگ کے لیے 32 سو طالب علموں نے دیا امتحان

پٹنہ حج ہاؤس میں چل رہے بہار اقلیتی فلاح و بہبود محکمہ کی نگرانی میں بہار پبلک سروس کمیشن (بی پی ایس سی) امتحان کی تیاری کے لئے منعقد ٹسٹ امتحان میں ریاست کے 3200 طالب علموں نے شرکت کی، اس موقع پر طالب علمون نے کہا کہ محکمہ اقلیتی فلاح کو چاہیے کہ وہ مختص کیے گئے تیس سیٹ کو بڑھائے۔

پٹنہ:بہار پبلک سروس کمیشن کے مقابلہ جاتی امتحان کی تیاری کے لیے مفت رہائشی کوچنگ کا آغاز ہو رہا ہے، حج ہاوس نے آج امتحان کا نظم کیا جس میں 32 سو طلباء وطالبات شامل ہوئیں۔

بہار ریاستی حج ہاوس کے شعبہ کوچنگ اینڈ گائیڈنس سیل نے مفت رہائشی کوچنگ کے 67ویں بہار پبلک سروس کمیشن کے مقابلہ جاتی امتحان کی تیاری کے لیے امتحان کا نظم کیا، جس امتحان میں تقریباً 32 سو طلباء وطالبات نے حصہ لیا۔
حج کے کوچنگ اینڈ گائیڈنس سیل میں 150 کامیاب طلباء وطالبات کو مفت رہائشی کوچنگ کا موقع ملے گا، جس میں 50 طالبات اور 100 طلباء کو مفت رہائشی کوچنگ کا موقع ملے گا۔ ریاست کے کونے کونے سے آئے ان طلبہ و طالبات میں جوش و خروش نظر آیا۔

ان تمام طلباء وطالبات نے سیٹ میں اضافہ کا مطالبہ کیا ہے، محکمہ کے وزیر زماں خان نے سیٹ میں اضافہ کی بات کہی ہے۔

حج ہاوس کے سی ای او راشد حسین نے بتایا کہ آج 6 سینٹر پر امتحان کا نظم کیا گیا، جس میں 32 سو طلباء وطالبات کی تعداد کے 80 فیصد بچوں نے حصہ لیا۔
انہوں نے بتایا کہ آئندہ 6 تاریخ کو اس امتحان کا ریزلٹ آئے گا، 9 تاریخ تک داخلہ مکمل کر لیا جائے گا اور 10 اکتوبر سے کلاسز کا آغاز ہو جائے گا۔