ٹی بی کے مریضوں کے لیے 'زیرو بیلنس اکاونٹ'

نوئیڈا کے ضلع گوتم بدھ نگر میں ٹی بی کے مریضوں کےلیے پوسٹ آفس میں زیرو بیلنس اکاونٹ کھولنے کی سہولت رہے گی۔

اس سلسلہ میں محکمہ صحت اور پوسٹل کے درمیان ایک معاہدہ ہوا ہے۔
ٹی بی کے مریضوں کو ’’نیچھے پوسن یوجنا،، کا فائدہ حاصل ہوگا جن کا بینک کھاتا نہیں ہے۔
منصوبے کے تحت ٹی بی کے مریضوں کو ماہانہ 500 روپیہ دئیے جائیں گے۔
ضلع ٹی بی افسر ڈاکٹر گریش جین نے بتایا کہ معاہدے کے تحت 37 پوسٹ آفس کی خدمات حاصل کی جائیں گی۔

مریضوں کی جانب سے ضروری دستاویزات داخل کرنے کے بعد پوسٹ آفس میں زیرو بیلنس اکاونٹ کھولا جائے گا۔ڈاکٹر جین نے بتایا کہ ضلع میں ٹی بی کے 4152 مریض سرکاری ہسپتالوں اور 2023 مریض نجی ہسپتالوں میں زیر علاج ہیں۔