یوپی یودھا ٹیم کا شاندار استقبالیہ

پرو کبڈی لیگ 2019 میں یوپی یودھا کی ٹیم ہریانہ میں شاندار کارکردگی کا مظاہرہ کرنے کے بعد دہلی پہنچی۔ اس موقع پر نیو اڑان بھون میں ایک استقبالیہ کا اہتمام کیا گیا۔

جی ایم آر گروپ کے بانی جی ایم راؤ نے کہا کہ 'ٹیم نے بہتر فاصلہ طے کیا ہے۔

جی ایم آر لیگ گیمز کے سی ای او کرنل ونود بشٹ نے بتایا کہ پرو کبڈی لیگ میں اب تک یوپی یودھا کی پوری ٹیم نے شاندار کھیل کا مظاہرہ کیا ہے۔

ٹیم برانڈ ایمبیسڈر اور رکن پارلمینٹ گوتم گمبھیر نے کہا کہ 'یوپی یودھا کی ٹیم پر فخر ہے، کھلاڑیوں نے اپنے اندر چھپی ہوئی صلاحیت کو جیت کے ساتھ باہر لانے کی کوشش کی ہے۔

کپتان نتیش کمار نے کہا کہ اس گروپ نے ٹیم پر بھروسہ کیا ہے۔ ہم باقی میچ جیت کر اس اعتماد کو مضبوط کرنے کی کوشش کریں گے۔

یوپی یودھا ٹیم اپنے ہوم گرانڈ، گریٹر نوئیڈا کے شہید وجئے سنگھ پاتھک اسپورٹس کمپلیکس میں پانچ اکتوبر سے کھیلے گی۔