پیرنٹس ایسوسی ایشن کی بھیک مانگ کر حکومت کو جگانے کی کوشش

اسکولوں کی من مانی اور ریاستی حکومت کی بے حسی کے خلاف نوئیڈا میں پیرنٹس ایسوسی ایشن کے بینر تلے سرپرستوں نے مظاہرہ کیا اور سڑکوں اور چوراہوں پر بھیک مانگ کر اپنا احتجاج درج کرایا۔

پیرنٹس ایسوسی ایشن کا کہنا ہے کہ کورونا کے دوران بہت سے لوگوں کو نوکریوں سے ہاتھ دھونا پڑا۔ پھر بھی ریاستی حکومت اور اسکولوں کی جانب سے کوئی راحت اور رعایت نہیں مل رہی ہے۔

ایسوسی ایشن کا کہنا ہے کہ ہم نے اس سے قبل متعدد بار حکومت سے مطالبہ کیا کہ کم از کم کورونا دور کی فیس معاف کر دی جائے لیکن حکومت کا بے حسی ہنوز برقرار ہے۔ کوئی شنوائی نہیں ہو رہی ہے، لہٰذا ہمیں مجبوری میں سڑکوں پر اترنا پڑا۔ ہم بھیک مانگ کر ریاستی حکومت کو جگانے کی کوشش کریں گے اور یہ پیغام دینے کی کوشش کر رہے ہیں کہ پیرنٹس اس قدر بے بس اور لاچار ہیں کہ انہیں فیس دینے کے لیے بھیک مانگنی پڑ رہی ہے۔