الہ آباد ہائی کورٹ میں دکان کھولنے کے لئے عرضی داخل

ریاست اتر پردشی کے شہر نوئڈا کے اسٹریٹ فروشوں نے الہ آباد ہائی کورٹ میں عرضی دائر کی ہے، جس میں دکانیں کھولنے کی اجازت کی درخواست کی گئی ہے۔

نوئیڈا میں کورونا وائرس کے انفیکشن سے بچنے کے لئے لاک ڈاؤن ہے۔ تیسرے مرحلے کے لاک ڈاؤن میں ریاستی حکومت کی ہدایت پر متعدد صنعتوں کو کھولنے کی اجازت دی گئی ہے۔ اتھارٹی اور ضلعی انتظامیہ کی جانب سے نوئیڈا میں تین ہزار سے زائد صنعتوں کو کھولنے کے لئے گرین سگنل دیا گیا ہے۔

ایسی صورتحال میں، رجسٹرڈ اسٹریٹ وینڈرز ایسوسی ایشن (ریہڑی، پٹری ویلفیئر ایسوسی ایشن) کے سکریٹری شیام کشور گپتا نے ہائی کورٹ میں ایک عرضی دائر کی ہے جس میں کہا گیا ہے کہ 'نوئیڈا میں ایک بڑی تعداد میں اسٹریٹ وینڈر رجسٹرڈ ہیں۔ جو پٹریوں پر چھولے، پراٹھے، پکوڑے اور دیگر فاسٹ فوڈ بیچ کر زندگی چلاتے ہیں۔ لاک ڈاؤن کی وجہ سے اس کا روزگار رک گیا ہے، وہ فاقہ کشی کی دہلیز پر کھڑے ہیں'۔

انہوں نے عرضی میں کہا کہ 'ریاستی حکومت اور مقامی انتظامیہ نے بہت ساری قسم کی دکانوں کو لاک ڈاؤن میں سبزی، پھل، راشن اور نجی کمپنیوں کو کھولنے کی اجازت دی ہے۔ اس لئے ریہڑی اور پٹری والوں کو بھی اجازت ملنی چاہیے۔