اترپردیش کے نوئیڈا میں خود کفیل بھارت کی مہم کو مزید تقویت دینے کے لیے سیکٹر 33A کے شلپ ہاٹ میں سرس آجیویکا میلہ کا آغاز ہوا ہے۔ 25 فروری سے شروع ہونے والا یہ میلہ 13 مارچ تک جاری رہے گا۔ اس ہاٹ میلہ میں پہلی بار حصہ لینے والے دکانداروں کا کہنا ہے کہ یہاں کے لوگ ان کی مصنوعات کو پسند کرتے ہوئے خریداری کر رہے ہیں اور انہیں اچھا رسپانس مل رہا ہے Noida Hosts Saras Ajivika Festival۔
سرس آجیویکا میلے میں سیلف ہیلپ ویمن گروپس کے 160 اسٹال لگائے گئے ہیں۔ جہاں خواتین کے لیے مارکیٹنگ کمیونیکیشن، سوشل میڈیا، برانڈنگ، پیکجنگ وغیرہ کے لیے ورکشاپس کا بھی اہتمام کیا گیا ہے۔ اس میلے میں مختلف قسم کے دستکاری کے زیورات کے علاوہ کئی ریاستوں کے کھانے پینے کی اشیاء سمیت کپڑے کی مصنوعات کی نمائش بھی رکھی گئی ہے Self Help Women Groups۔ میلے میں ثقافتی پروگرام پیش کرتیں ہوئیں خواتین۔۔۔ نوئیڈا میں منعقد ہونے والے اس میلے میں آسام کی رہنے والی سکھا داس نے پہلی بار شرکت کی ہے۔ ان کا کہنا ہے کہ وہ مرجان کے ریشم سے بنی ساڑیاں اور دیگر کپڑے فروخت کرتی ہیں۔ ان کے پاس 2 ہزار سے 50 ہزار تک کی ساڑیاں ہیں۔ اس بار مارکیٹ ڈاؤن کی وجہ سے وہ 50 ہزار کی ساڑھی نہیں لائی بلکہ 30 ہزار تک کی ساڑھیاں بازار میں فروخت کر رہی ہیں۔ وہیں آسام کے رہنے والے کمل داس کے پاس بانس سے بنی مصنوعات کی اسٹال ہے۔ ان کا کہنا ہے کہ لوگ بانس سے بنی اشیاء کی تلاش میں ہیں اور لوگ اسے بڑی دلچسپی سے خرید رہے ہیں۔مزید پڑھیں:
ہریانہ کے باغپت ضلع کے رہنے والے محمد یاسین کئی دہائیوں سے ہاتھ سے بنی ہوئی دری، چادریں اور دیگر کپڑے فروخت کر رہے ہیں۔
یاسین کا کہنا ہے کہ کئی بار لاک ڈاؤن نے ہمارے کاروبار کو بہت متاثر کیا ہے۔ باہر سے دھاگا لا کر ہم ایک چادر کو تین سے چار گھنٹے میں تیار کرتے ہیں، اسے مارکیٹ میں بہت پسند کیا جا رہا ہے۔
