اکھیلیش کے دور اقتدار میں خوب ترقی ہوئی تھی: جاوید عابدی

سماجوادی پارٹی کے سینئر رہنما اور سابق وزیر مولانا جاوید عابدی نے دعویٰ کیا کہ ریاست اترپردیش میں اگلی حکومت اکھیلیش یادو کی قیادت میں سماجوادی پارٹی ہی بنائے گی۔

اترپردیش کے سابق کابینی وزیر اور سماج وادی پارٹی کے قومی سکریٹری مولانا جاوید عابدی نے اکھیلیش حکومت کی تعریف کرتے ہوئے دعویٰ کیا کہ ’’اکھیلیش حکومت نے اترپردیش میں تعمیر و ترقی یا نیا باب لکھا تھا۔‘‘

sdf

جاوید عابدی نے ان باتوں کا اظہار نوئیڈا سیکٹر 30 میں منعقدہ پارٹی پروگرام کے دوران کیا۔ اس موقع پر خطاب کرتے ہوئے مولانا جاوید عابدی نے کہا کہ ’’اتر پردیش میں اکھلیش یادو حکومت کے دور میں ترقی کی ہوا چلی تھی، لاکھوں نوجوانوں کو روزگار ملا۔ جب سے ریاست میں عوام دشمن پالیسیوں والی بی جے پی حکومت آئی ہے تب سے ترقی کا پہیہ رک گیا ہے۔‘‘

sdf

عابدی نے بی جے پی حکومت پر الزام عائد کرتے ہوئے کہا: ’’بی جے پی حکومت نے اب تک زمینی سطح پر کوئی کام انجام نہیں دیا ہے۔‘‘

انہوں نے مزید کہا: ’’ریاست میں امن و امان کی صورتحال بد سے بدتر ہے۔‘‘ جاوید عابدی نے دعویٰ کیا کہ ’’آئندہ حکومت سماج وادی پارٹی بنائے گی، حکومت اکھیلیش یادو کے وزیر اعلیٰ بنتے ہی پہلی کابینہ میٹنگ میں 300 یونٹ تک کی بجلی مفت تقسیم کرنے کے فیصلے کو مکمل کرے گی۔‘‘

نوئیڈا میں منعقدہ پروگرام میں شیرون تیاگی، نند کشور تیاگی، سنیل چودھری، سمیت پارٹی کے کئی ممبران نے شرکت کی۔