نوئیڈا: سماج وادی پارٹی کو بوتھ کی سطح پر مضبوط کرنے پرزور

نوئیڈا میں سماج وادی پارٹی کارکنان نے سابق کابینی وزیر اور سماج وادی پارٹی کے قومی سکریٹری مولانا جاوید عابدی سے ان کی رہائش گاہ پر ملاقات کی۔

اس موقع پر سماج وادی پارٹی نوئیڈا کے متوقع امیدوار محمد تسلیم، میڈیا انچارج اور ترجمان کنور بلال برنی، ساحل خان، ایس پی رہنما ممتاز عالم، تنویر حسین، پرویز عالم، کپل چوہدری، ستار سیفی نے جاوید عابدی کو پھولوں کا ہار پہنا کر خوشی کا اظہار کیا۔

جاوید عابدی نے کہا کہ' اترپردیش کے عوام یوگی حکومت سے چھٹکارا چاہتے ہیں اور متبادل تلاش کر رہے ہیں۔ ان کے لئے سماج وادی پارٹی بہتر متبادل ہے'۔

سماج وادی پارٹی کی نوئیڈا کی اسمبلی نشست پر نظر

ایسے میں ایس پی کے رہنما اور کارکنان کو کمر کس کر میدان میں آجانا چاہیے اور اپنے بوتھ پر مضبوطی سے لڑنے کے لئے تیاری کرنی چاہیے، تاکہ اس بار نوئیڈا اسمبلی سے سماج وادی پارٹی کا امیدوار اسمبلی پہنچے۔