دارالحکومت دہلی این سی آر میں وقفے وقفے سے بارش اور سخت سردی سے لوگوں کی معمولات زندگی بھی متاثر ہوئی ہے، لیکن بارش کی وجہ سے این سی آر اور دہلی میں فضائی آلودگی کا معیار کافی بہتر ہوا ہے، منگل کو نوئیڈا میں اے کیو آئی 157، گریٹر نوئیڈا میں 144 اور غازی آباد میں 149 درج کی گئی ہے۔
دہلی این سی آر میں بارش سے فضائی آلودگی میں کمی وہیں دوسری جانب موسم سرما کی بارش سے درجہ حرارت میں بھی کافی زیادہ کمی واقع ہوئی ہے، اتوار سے شروع ہونے والی بارش کا سلسلہ وقفے وقفے سے جاری ہے، آج صبح بھی تیز گرج اور چمک کے ساتھ بارش ہوئی۔
محکمہ موسمیات نے دہلی اور این سی آر میں بدھ کے روز بھی بارش کی پیش گوئی کی ہے، اور برفیلی ہواؤں بھی کا اندیشہ ظاہر کیا ہے، جس سے درجہ حرارت میں مزید کمی واقع ہوسکتی ہے۔
