جسم فروشی میں ملوث پولیس اہلکاروں کے خلاف کارروائی

ڈی سی پی راجیش کمار نے بتایا کہ تفتیش کے بعد پولیس کے چار کانسٹیبل، ایک ہیڈ کانسٹیبل اور پولیس جیپ کے ڈرائیور کو لائن حاضر کر دیا گیا ہے۔

اتر پردیش پولیس نے گریٹر نوئیڈا کے دنکور پولیس اسٹیشن کے تحت چینٹی کے ایک ہوٹل نیو کراؤن پلازہ میں ناجائز جسم فروشی کے کاروبار کا پردہ فاش کرنے کا دعوی کیا ہے۔ اس میں خود پولیس کا کردار مشکوک ہے۔ معاملے میں چھ پولیس اہلکاروں کے خلاف کارروائی کرتے ہوئے انہیں لائن حاضر کر دیا گیا ہے۔

اس معاملے میں ڈی سی پی راجیش کمار نے ایک مشکوک چوکی انچارج کی شکایت پولیس کمشنر سے کی ہے۔ ایسا مانا جا رہا ہے کہ اس چوکی انچارج کے خلاف بھی کاروائی یقینی ہے۔ جبکہ دیگر پولیس اہلکاروں کے خلاف تحقیقات شروع کر دی گئی ہے۔

پولیس نے بتایا کہ چھاپے کے دوران پولیس نے 12 خواتین سمیت 23 افراد کو گرفتار کیا۔ جن میں 12 خواتین اور 11 مرد ہیں۔ ہوٹل کا منیجر گیانیندر بھی اس میں شامل ہے۔ پولیس نے موقع سے بڑی تعداد میں قوت بخش دوائیں، قابل اعتراض مواد برآمد کیا ہے۔

اطلاع کی بنیاد پر اسسٹنٹ کمشنر پولیس برج نرائن رائے کی سربراہی میں ایک پولیس ٹیم تشکیل دی گئی۔ پولیس ٹیم نے ہفتے کی سہ پہر ہوٹل پر چھاپہ مارا۔

ڈی سی پی راجیش کمار نے بتایا کہ تفتیش کے بعد پولیس کے چار کانسٹیبل، ایک ہیڈ کانسٹیبل اور پولیس جیپ کے ڈرائیور کو لائن حاضر کر دیا گیا ہے۔

انہوں نے بتایا کہ تھانہ دنکور کے انچارج انسپکٹر کے کردار کی بھی تفتیش کی جا رہی ہے۔ ایسا بتایا جا رہا ہے کہ پولیس کے مشکوک کردار سے پولیس کمشنر آلوک سنگھ کافی نالاں ہیں اور وہ کسی کو بھی بخشنے کے مووڈ میں نہیں ہیں۔