نوئیڈا میں حالات پرامن

ریاست کے اترپردیش کے نوئیڈا میں آج ایک حالات پرامن رہے جبکہ کہا جارہا ہے کہ ایک بڑا تصادم ہونے سے ٹل گیا۔

بختاور پور گاؤں میں آج اس وقت کشیدگی پھیل گئی تھی جب نوئیڈا اتھاریٹی اور گاؤں کے کسان آمنے سامنے آگئے۔

وہیں اتھاریٹی کے عہدیداروں نے دانشمندی کا مظاہرہ کرتے ہوئے اپنے قدم پیچھے لے لیے اور علاقہ میں حالات پرامن رہے۔ بختاور پور میں پولیس کی بھاری جمیعت کو تعینات کردیا گیا۔نوئیڈا اتھارٹی کے مطابق بختاور پور گاؤں میں اتھاریٹی کی زمین ہے جس پر گاوں والوں نے قبضہ کرلیا ہے۔ جبکہ گاؤں والوں کا کہنا ہے کہ اس زمین کے بدلے میں ہمیں کوئی معاوضہ نہیں ملا ہے۔کسان یونین بھی گاؤں والوں کی تائید میں ہے اور نوئیڈا اتھارٹی کے عہدیدار مصالحت کا راستہ اختیار کرنے کو ترجیح دے رہے ہیں۔