Gandhi Shilp Bazaar in Noida: گاندھی شلپ بازار میں ملک بھر کے دستکاروں کی شرکت

نوئیڈا ہاٹ سیکٹر 33 میں ملک بھر کے دستکاروں کا حسین بازار سجا ہے، جہاں تقریباً 100 اسٹال موجود ہیں، جو 20 فروری تک جاری رہے گا Gandhi Shilp Bazaar in Noida 33۔

اترپردیش کے نوئیڈا میں ملک بھر کے دستکاریوں کا حسین بازار نوئیڈا ہاٹ سیکٹر 33 میں سجا ہے۔ گاندھی شلپ بازار کے نام سے لگنے والا یہ بازار ڈیولپمنٹ کمشنر (ہینڈی کرافٹس)، وزارت ٹیکسٹائل، حکومت ہند، نئی دہلی کی سرپرستی میں منعقد کیا جا رہا ہے Gandhi Shilp Bazaar in Noida۔ہست شلپ سیوا سمیتی لوہاری سرائے نگینہ نجیب آباد اتر پردیش کے صدر شمیم اختر نے کہا کہ اس گاندھی شلپ بازار میں تقریباً 100 اسٹال موجود ہیں، جو 20 فروری تک جاری رہے گا Handicrafts Siva Samiti Lohari Sarai Nigina Najibabad Uttar Pradesh۔

انہوں نے کہا کہ ہندوستان کی مختلف ریاستوں کے دستکار اپنی دستکاریوں اور ہینڈی کرافٹ کے ساتھ شرکت کر رہے ہیں۔ اس بازار میں سب سے اہم بات یہ ہے کہ خریدار جو کچھ بھی اسی طرح کے کاریگروں سے خریدے گا اسے بہت مناسب قیمت ملے گی کیونکہ کاریگر اور خریدار کے درمیان کوئی ثالث (بیچولیا)نہیں ہوتا۔ اس لیے ڈائریکٹ خرید سے صارفین کو کافی فائدہ ملے گا۔ ہر قسم کے سامان یہاں دستیاب ہیں۔

اس گاندھی کرافٹس بازار میں سہارنپور ووڈ کارٹنگ فرنیچر، بھدوہی قالین، نگینہ ووڈ کرافٹ، الہ آباد زری سوٹ اور ساڑیاں، کولکاتا ہینڈ ایمبرائیڈر بیڈ شیٹ ساڑیاں اور سوٹ، بنارسی ساڑیاں، علی گڑھ پیتل کے آرٹیکلز، جھانسی کے سافٹ ٹوائز، جے پور کی جیولری، آگرہ کے اسٹون آئٹم، دہلی کا مصنوعی زیورات، پلکھوا سے بیڈ شیٹس، شاہجہاں پور سے وال ہینگنگ آئٹمز، خورجہ سے پوئٹری، گجرات سے ڈائننگ ٹیبل کشن کور، فیروز آباد سے کانچ کے آئٹمز، لکھنؤ سے چکن ورک ساڑیاں اور سوٹ اور مدھوبنی پینٹنگز اور روٹ آئرن کولکاتہ، کوٹا اور کشمیر وغیرہ کی دستکاریاں ہیں۔

اس کے علاوہ بہت سے دوسرے فنکار اور دستکار آئے ہوئے ہیں۔ جو اپنی مصنوعات مناسب قیمت پر فروخت کر رہے ہیں۔ جس کا مقصد ان کی بھی آمدنی ہو جائے اور لوگوں کو بھی مناسب قیمت پر سامان مہیا ہو جائے۔