نوئیڈا کے سی ایم او دیپک اوہری کا تبادلہ

کورونا وائرس وبا کی دوسری لہر گزر جانے کے بعد اور تیسری لہر کے پہلے اتر پردیش حکومت نے 51 چیف میڈیکل آفیسر (سی ایم او) کا تبادلہ کردیا ہے۔ گوتم بدھ نگر کے سی ایم او ڈاکٹر دیپک اوہری کو جوائنٹ ڈائریکٹر کی حیثیت سے سہارنپور بھیجا گیا ہے جبکہ ایڈیشنل چیف میڈیکل آفیسر میرٹھ ، ڈاکٹر سنیل کمار شرما کو گوتم بدھ نگر کا سی ایم او مقرر کیا گیا ہے۔

پڑوسی ضلع غازی آباد کے سی ایم او ڈاکٹر نریندر کمار گپتا کو بھی بطور جوائنٹ ڈائریکٹر سہارنپور بھیجا گیا ہے۔

ان کی جگہ بلند شہر کے سی ایم او ڈاکٹر بھوتوش شنکھدھر کو غازی آباد میں چیف میڈیکل آفیسر کی ذمہ داری سونپی گئی ہے۔

حکومت کی طرف سے جاری کردہ حکم میں کہا گیا ہے کہ تمام چیف میڈیکل آفیسرز کو فوری طور پر اپنے فرائض سے فارغ کیا جائے اور اپنی نئی پوسٹنگ کے عہدے اور جگہ پر چارج لیں اور اپنی رپورٹ حکومت کو بھیجیں۔