نوئیڈا: خاتون کو ہراساں کرنے کے الزام میں ایک نوجوان گرفتار

گوتم بدھ نگر پولیس نے راہل نام کے ایک شخص کو خاتون کو ہراساں کرنے اور فحش حرکت کرنے کے الزام میں گرفتار کیا ہے۔

نوئیڈا: اتر پردیش کے ضلع گوتم بدھ نگر نوئیڈا پولیس نے ایک خاتون کو ہراساں کرنے اور فحش حرکتوں کا ارتکاب کرنے کے الزام میں نوئیڈا کے صدرپور کالونی سیکٹر 45 کے رہائشی راہل نام کے شخص کو گرفتار کیا ہے۔

پولیس کے مطابق ایک روز قبل ایک خاتون نے سیکٹر-39 میں رپورٹ درج کرائی تھی کہ راہل چودھری نام کا شخص اس کا پیچھا کرتا ہے اور اس کا راستہ روک کر فحش حرکتیں کرتا ہے۔

پولیس کے مطابق اس خاتون نے بتایا کہ راہل نے سوشل میڈیا پر اس کی ویڈیو اور تصویر پوسٹ کرنے کی دھمکی بھی دی تھی۔

پولیس نے واقعہ کی رپورٹ درج کرنے کے بعد آج سوم بازار سیکٹر-45 بجلی گھر کے سامنے سے راہل کو گرفتار کر لیا ہے۔