نوئیڈا کے اسپائس مال میں شدید آتشزدگی

دار الحکومت دہلی سے متصل اترپردیش کے ضلع نوئیڈا کے سیکٹر 25 اے میں وقع اسپائس مال میں شدید آتشزدگی کا واقعہ پیش آیا۔

نوئیڈا کے سیکٹر 25 اے واقع اسپائس مال میں خطرناک آگ لگ گئی، موقع پر پہنچی فائر بریگیڈ کی گاڑیاں آگ پر قابو پانے کی کوششوں میں مصروف ہیں۔ ذرائع کے مطابق آگ مال کے دوسرے فلور پر لگی ہے، جبکہ بعض کا خیال ہے کہ چوتھے فلور سے آگ کے شعلے بھڑک رہے ہیں۔ اسپائس مال کے چوتھے فلور پر فوڈ کورٹ ہے اور وہیں سے آگ بھڑکنے کی اطلاع ہے، لیکن ابھی تک کوئی مستند اطلاع نہیں ہے کہ آگ کیسے لگی۔

خوش آئند بات یہ ہے کہ اس مال کے چاروں اطراف کھلے میدان ہیں، جبکہ ایک طرف نوئیڈا اسٹیڈیم ہے، جس کی وجہ سے آتش فرو عملہ کو آگ پر قابو پانے میں دشواری پیش نہیں آرہی ہے۔