پولیس ذرائع کے مطابق نوئیڈا میں تھانہ ربوپورہ کی پولیس نے ایک ٹیم تشکیل دے کر علاقے کے گاؤں چندی گڑھ میں کئی مقامات پر چھاپہ مار کر غیر قانونی طور شراب بنانے والی 3 بھٹیوں کو سربمہر کیا۔
پولیس کے مطابق چھاپے کے دوران 2000 لیٹر کچی شراب بھی برآمد کی گئی اور اس دوران غیر قانونی طور پر شراب تیار کرنے والے دو افراد کو بھی گرفتار کر لیا گیا ہے۔
پولیس کے مطابق چھاپے کے دوران100 کلو گڑ چار کلو یوریا اور شراب تیار کرنے کے دوران استعمال ہونے والے پلاسٹک و الومنیم کے ظروف بھی ضبط کیے گئے۔
گرفتار شدہ افراد کے خلاف استغاثہ نمبر 62/20 دفعہ 60 / 62EX ایکٹ اور 272 آئی پی سی کے تحت مقدمہ درج کرکے مزید کارروائی شروع کی گئی۔
پولیس کا کہنا ہے کہ گرفتار کیے گئے افراد لاک ڈاؤن کا نا جائز فائدہ اٹھاتے ہوئے اپنے کاروبار میں مشغول تھے اور غیر قانونی طور شراب فروخت کر رہے تھے۔