ہریش چندر اسپیشل کووڈ 19 ہسپتال میں علاج کے بہترین وسائل

نریلا کے راجہ ہریش چندر ہسپتال کو 200 بیڈ کے ساتھ کووڈ 19 اسپیشل ہاسپیٹل بنایا گیا ہے۔ یہاں تمام بستروں پر آکسیجن سلنڈر موجود ہیں۔

دہلی حکومت کے ذریعے وزیر اعلیٰ کے نمائندے کے طور پر مقرر نریندر پرجاپتی کا دعویٰ ہے کہ ہسپتال میں بیڈس کی کوئی کمی نہیں ہے۔ کچھ مریض صحت یاب ہو کر چلے جاتے ہیں اور کچھ نئے آتے ہیں، پھر بھی ہسپتال میں ابھی تک 96 بستر خالی ہیں۔

نریندر پرجاپتی نے کہا کہ کھانا بھی بہترین معیار کا ہے ، جس میں روٹی ، سبزی کے ساتھ دہی اور پھل بھی شامل ہیں۔ چائے اور بسکٹ کا بھی بہتر انتظام ہے۔ نریندر پرجا پتی کا دعویٰ ہے کہ ڈاکٹروں کے طرز عمل اور نظام کا تمام مریض تعریف کرتے ہیں۔ نریندر پرجاپتی نے بتایا کہ مین گیٹ پر ڈسپلے لگایا گیا ہے، جس پر یہ چلتا رہتا ہے کہ ہسپتال میں کتنے بستر خالی ہیں۔ لہذا ہسپتال کے باہر سے آپ دیکھ سکتے ہیں کہ ہسپتال میں کتنے بستر خالی ہیں۔ مجموعی طور پر یہ ہسپتال دیہی علاقوں میں عمدہ سہولیات مہیا کر رہا ہے۔