ریاست اترپردیش کے ضلع گوتم بدھ نگر میں کورونا سے متاثرہ مریضوں کی تعداد میں مسلسل اضافہ ہو رہا ہے۔ ضلع انتظامیہ اور پولیس کی تمام تر کوششوں کے باوجود ابھی تک اس عالمی وبا پر قابو پانے کی کوئی آثار دکھائی نہیں دے رہے ہیں۔
After 5 positive cases, Dadri's Bala jee enclave seal آج دادری کے بالاجی انکلیو میں کورونا کے 5 مثبت مریضوں کی تصدیق کے بعد بالاجی انکلیو کو سیل کردیا گیا۔
مقامی شہریوں کو انتظامیہ اور پولیس کے عہدیداروں کے ذریعہ اپنے گھروں میں رہنے کے بارے میں آگاہ کیا جارہا ہے تاکہ آس پاس کے علاقوں کے رہائشیوں کو کورونا وائرس کے انفیکشن سے بچایا جاسکے۔
مقامی انتظامیہ منادی کے ذریعے بھی لوگوں کو کو یہ بتانے کی کوشش کر رہی ہے کہ آپ لوگ گھروں میں رہیں تاکہ اس عالمی وبا سے بچ سکیں۔
واضح رہے کہ اترپردیش میں کورونا سے متاثرہ افراد کی تعداد 13،731 ہوگئی ہے اس کے علاوہ ابھی تک 8،268 مریض کورونا وائرس سے صحت یاب بھی ہو چکے ہیں۔ جبکہ اس وائرس کی وجہ ابھی تک 399 افراد ہلاک بھی ہوچکے ہیں۔
عالمی سطح پر کورونا وائرس سے سب سے زیادہ متاثر ہونے والے ممالک کی فہرست میں بھارت چوتھے نمبر پر ہے جہاں حکومت نے اس وبأ پر قابو پانے کے لیے تقریباً دو ماہ تک کا لاک ڈاؤن نافذ کیا لیکن پھر بھی کورونا کیسز کی تعداد مسلسل بڑھتی جارہی ہے۔ بھارت میں کورونا متاثرین کی تعداد 3،33،008 درج کی گئی ہے جبکہ 9،520 مریض ہلاک ہوئے ہیں۔
