ریاست اترپردیش کے شہر نوئیڈا کے سیکٹر 64 میں واقع گارمنٹس کمپنی میں اچانک آتشزدگی کی وجہ سے کروڑوں مالیت کے نقصان کا خدشہ ظاہر کیا جارہا ہے۔
آگ کی شدت اتنی زیادہ تھی کہ دس گھنٹے بعد آگ پر قابو پایا جا سکا۔
دراصل سیکٹر 64 کے اے 70 میں ریڈینٹ ایکسپورٹ نامی ایک کمپنی واقع ہے۔ محکمہ فائر کے حکام کے مطابق کمپنی میں رات تقریباً 1:30 بجے آگ لگی۔
کمپنی میں لحاف اور تکیے بنائے جاتے ہیں جس کی وجہ سے آگ نے شدت اختیار کرلی۔ آگ بجھانے کے لیے 50 سے زائد فائر اہلکار مصروف عمل رہے۔
بتایا گیا ہے کہ آگ گدے اور کشن کے کپڑوں کی وجہ سے تیزی سے پھیل گئی۔فائر بریگیڈ کے ذمہ داران کا کہنا ہے کہ آگ شارٹ سرکٹ سے لگی۔ آگ سے کروڑوں روپے مالیت کے نقصان کا تخمینہ لگایا جا رہا ہے۔
اسی دوران ہوزری کمپلیکس میں واقع ایک فیکٹری میں بھی آگ لگنے کی اطلاع موصول ہوئی ہے اور محکمہ فائر نے آگ پر قابو بھی پالیا ہے۔ کمپنی کے مالک نے بتایا کہ آگ لگنے کی وجہ واضح نہیں ہوسکی ہے۔
محکمہ فائر اس کی تحقیقات کر رہا ہے کہ کیا اس کمپنی کے پاس آگ سے بچاؤ کا سامان موجود تھا یا نہیں؟ آیا کمپنی کے پاس این او سی تھا؟ محکمہ فائر بھی اس کی تحقیقات کر رہا ہے۔ کیا وجہ ہے کہ آگ لگی ، آگ نے ایسی سنگین صورت کیسے اختیار کی؟ کیا آلات کام نہیں کر رہے تھے؟ ان کی تحقیقات کے لئے فرانسک ٹیم موقع پر پہنچ گئی ہے۔