ریاست اترپردیش کے ضلع گوتم بدھ نگر میں ایئرپورٹ انتظامیہ نے کسانوں کو زمینیں خالی کرنے کا حکم جاری کیا ہے۔
گذشتہ روز ایئرپورٹ انتظامیہ کی طرف سے عام منادی کرائی گئی کہ کسان اپنی زمینیں خالی کر دیں۔ کسانوں کو زمین خالی کرنے کے عوض معاوضہ ادا کیا جائے گا۔
22 اکتوبر کو صبح گیارہ بجے گاؤں روہی کے ان کسانوں کی اراضی پر ضلع انتظامیہ قبضہ کرے گی، جنھیں زمین کا معاوضہ پہلے ہی ادا کیا جا چکا ہے۔
انتظامیہ کی طرف سے متعلقہ کاشتکاروں کو جانکاری فراہم کرنے کے لئے،کسانوں کی فہرست گاؤں کے چوراہوں پر چسپاں کی گئی ہے، اور اس سلسلے میں ایئرپورٹ کے انچارج ابھے کمار سنگھ اور ان کے ساتھی افسروں نے منادی کے ذریعہ وسیع پیمانے پر تشہیری مہم بھی شروع کررکھی ہے۔
غور طلب ہے کہ ایئرپورٹ انتظامیہ کا منصوبہ ہے کہ جیور گرین بین الاقوامی ہوائی اڈے کو شجر کاری کے ذریعہ تزئین کی جائے اور اسے ماحولیاتی آلودگی سے دور رکھا جائے۔
