کسان تحریک کو عام آدمی پارٹی کی حمایت

عام آدمی پارٹی کے ضلعی صدر بھوپندر جادھون کی قیادت میں ہرولا بارات گھر پہنچ کر ریاست کے کسانوں کی طرف سے چلائی جانے والی تحریک کی حمایت کی۔

نوئیڈا: اتر پردیش کے نوئیڈا اتھارٹی اور ضلعی انتظامیہ کے رویہ کے خلاف اور اپنی مانگوں کو لے کر نوئیڈا کے ہرولہ بارات گھر میں سینکڑوں کسان احتجاج کر رہے ہیں۔ جہاں عام آدمی پارٹی کے کارکنان و ذمہ داران نے پہنچ کر اپنی حمایت کا اعلان کیا ہے۔

عام آدمی پارٹی کے ضلعی صدر بھوپندر جادھون کی قیادت میں ہرولا بارات گھر پہنچ کر ریاست کے کسانوں کی طرف سے چلائی جانے والی تحریک کی حمایت کی۔

اس موقع پر ضلعی صدر بھوپندر جادون نے کہا کہ حال ہی میں عام آدمی پارٹی کا ایک وفد ضلع جیل میں بند کسانوں سے ملنے گیا تھا لیکن انتظامیہ نے انہیں کسانوں سے ملنے کی اجازت نہیں دی۔

عام آدمی پارٹی کسان بھائیوں کے مطالبات کے ساتھ ہے اور سڑک سے پارلیمنٹ تک آواز بلند کرتی رہے گی۔

پارٹی کے رکن اسمبلی سنجے سنگھ ہمیشہ راجیہ سبھا میں کسانوں کی آواز اٹھاتے ہیں اور آگے بھی اٹھاتے رہیں گے۔

اس موقع پر ضلع خزانچی پنڈت امیش گوتم، ضلع نائب صدر کیلاش شرما، سمیویر سنگھ، نوئیڈا ممبر شپ مہم انچارج پنکج آوانا، سنجے تگلپور، اقلیتی سیل ضلع صدر دلدار انصاری، یوتھ سیل ضلع سیکرٹری جیتو چودھری، ضلع سکریٹری مکل تیاگی، سرتاج انصاری، اونکار سنگھ اور رئیس ٹھاکر موجود تھے۔