دولہے کی یہ تصویر گریٹر نوئیڈا کے ایک ریسورٹ کی ہے۔ جہاں دولہا اپنے رشتہ داروں اور دوستوں کے ساتھ رقص و گانے کے ساتھ ٹریکٹر لے کر بارات پہنچا۔ بڑی بات یہ ہے کہ دولہا خود ٹریکٹر چلاتا ہوا ریسورٹ پہنچا اور ٹریکٹر کے آگے دولہے کے رشتہ دار اور دوست موسیقی کے ساز کی دھن پر رقص کرتے ہوئے ریسارٹ پہنچا۔لڑکی کے گھر والوں نے دولہے اور اس کے گھر والوں کا پرتپاک استقبال کیا۔
فلمی اندازمیں ٹریکٹرچلاتا ہوا دلہا لے کرپہنچا اپنی بارات بارات کے دوران دولہا کو ٹریکٹر کے بونٹ پر بیٹھ کر رقص کرتے بھی دیکھا گیا۔ دولہے نے بتایا کہ ٹریکٹر پر ایسے انوکھے طریقے سے بارات لانے کی پہل کی۔ دولہے نے بتایا کہ اکثر تمام لوگ غیر ضروری طور پر جانوروں کو تنگ کرتے ہیں اور گھوڑے کی بگھی میں لاکھوں روپے خرچ کرتے ہیں جو کہ درست نہیں ہے۔ ٹریکٹر میں صرف میرا ڈیزل کا خرچ آیا ہے جو عام بارات کے خرچ سے بہت کم ہے۔ کسانوں کی اصل پہچان ٹریکٹر ہے اس لیے میں ٹریکٹر سے بارات لے کر پہنچا ہوں۔دولہے نے کسانوں کی حمایت کی بھی بات کی ہے۔
